મુગલાઈ મલાઈ કોફ્તા

સામગ્રી:

દૂધ, 600 મિલી
લીંબુનો રસ, 2-3 ટેબલસ્પૂન
બેસન, 4 ટેબલસ્પૂન
તેલ, તળવા માટે
મીઠું, સ્વાદ અનુસાર

ગ્રેવી માટે:

તેલ, 3 ટેબલસ્પૂન
દૂધ, 400 મિલી
ડુંગળી, 1 મોટી
ટમેટા, 2 મધ્યમ
હળદર, 1 ટીસ્પૂન
લીલા મરચા, 2
મીઠું, સ્વાદ અનુસાર

રીત:

- એક પેનમાં દૂધ ગરમ કરો અને તેને ઉકળવા દો. પછી તેને ગેસ પરથી નીચે ઉતારી લો.
- તેમાં લીંબુનો રસ ઉમેરો. ધીરે ધીરે હલાવો જેથી તે ફાટી જાય અને તેના પર એક લેયર બની જાય.
- હવે દૂધને ગાળી લો. હવે વધેલા માવામાંથી દૂધ કાઢી લો.
- માવામાંથી નરમ કણક બાંધો.
- તેમાંથી નાના ગોળા વાળો અને તેને બેસનમાં રગદોળી લો.
- હવે આ બોલ્સને તેલમાં લાઈટ બ્રાઉન થાય ત્યા સુધી તળીને બાજુ પર રાખી દો.

ગ્રેવી માટે:

- એક પેનમાં તેલ લો અને તેમાં ડુંગળી ઉમેરીને તેને લાઈટ બ્રાઉન થાય ત્યા સુધી તળો.
- તેમાં હળદર અને લીલા મરચા ઉમેરો.
- સમારેલા ટમેટા ઉમેરીને તેને બરાબર પકાવો. તેમાંથી તેલ છૂટું ન પડે ત્યા સુધી પાકવા દો.
- હવે તેમાં દૂધ મિક્સ કરો અને તેને ઉકળવા દો. થોડી થોડી વારે હલાવતા રહો.
- 5-7 મિનીટ સુધી ઉકળ્યા પછી તેમાં માવાનો તળેલા બોલ્સ ઉમેરો અને ફરી 2 મિનીટ ઉકળવા દો. 

Read more »

કઢાઈ ભીંડી

સામગ્રી:

ભીંડા, 250 ગ્રામ
ચણાનો લોટ, 1 ટેબલસ્પૂન
ડુંગળી, 1, સ્લાઈસ કરેલી
લીલા મરચું, 1, ઝીણા સમારેલા
આમચુર પાવડર, 1/2 ટીસ્પૂન
ધાણાનો પાવડર, 1/2 ટીસ્પૂન
લાલ મરચાનો પાવડર, 1/2 ટીસ્પૂન
ગરમ મસાલો, 1/2 ટીસ્પૂન
જીરુ, 1 ટીસ્પૂન
હળદર પાવડર, 1/4 ટીસ્પૂન
વેજીટેબલ ઓઈલ, જરૂર પ્રમાણે
મીઠું, સ્વાદ અનુસાર

રીત:

- ભીંડાને ઊભા લાંબા સમારી લો.

- એક કઢાઈમાં તેલ ગરમ કરો. તેમાં ભીંડાને ક્રિસ્પી અને ગોલ્ડન બ્રાઉન થાય તેટલા તળી લો.

- તળેલા ભીંડાને બાજુમાં રાખી દો. કઢાઈમાં બે ટેબલસ્પૂન જેટલુ તેલ રહેવા દો અને બાકીનુ તેલ બીજા વાસણમાં કાઢી લો.

- તેમાં જીરુ અને લીલા મરચાના ટુકડા ઉમેરીને 30 સેકન્ડ સુધી ફ્રાય કરો. તેમાં ડુંગળી ઉમેરીને ગોલ્ડન બ્રાઉન થાય ત્યા સુધી ફ્રાય કરો.

- તેમાં ચણાનો લોટ અને આમચુર પાવડર ઉમેરીને 3-1 મિનીટ સુધી સાંતળો.

- બાકીની સામગ્રી અને તળેલા ભીંડા ઉમેરો. બરાબર મિક્સ કરો. થોડી સેકન્ડ સુધી પકાવો અને પછી ગેસ પરથી ઉતારી લો.

Read more »

પનીર કોરમા

સામગ્રી:

200 ગ્રામ પનીર
1 મધ્યમ કદની ડુંગળી
1 મધ્યમ કદનું ટમેટું
1 ટીસ્પૂન આદુની પેસ્ટ
1 ટીસ્પૂન લસણની પેસ્ટ
1 ટેબલસ્પૂન ખસખસના દાણા
1 ટેબલસ્પૂન કોકોનટ પાવડર
મીઠું સ્વાદ અનુસાર
1 ટીસ્પૂન લાલ મરચાંનો પાવડર
4-5 નંગ મરી
3-4 લવિંગ
2 ટીસ્પૂન ગરમ મસાલો
1 ટીસ્પૂન હળદર પાવડર
1 ટીસ્પૂન ધાણાનો પાવડર
4 ટેબલસ્પૂન મલાઈ
8-10 ટેબલસ્પૂન તેલ

રીત:

- એક પેનમાં તેલ ગરમ કરો.

- પનીરને નાના ટુકડામાં સમારી લો. તેને મધ્યમ આંચ પર લાઈટ બ્રાઉન થાય ત્યા સુધી તળો. પનીર છૂટું ન પડી જાય તેનુ ધ્યાન રાખો.

- પનીરના ટુકડાને તળીને બાજૂ પર રાખી દો.

- હવે તેમાં લવિંગ, કાળા મરીને તળો. તેમાં ઝીણી સમારેલી ડુંગળી, કોકોનટ પાવડર, ખસખસની પેસ્ટ ઉમેરો. આ મિશ્રણને પાકવા દો જેથી તેમાંથી તેલ છૂટું પડવા લાગે.

- તેમાં આદુ લસણની પેસ્ટ ઉમેરીને 2-3 મિનીટ પાકવા દો.

- તેમાં મીઠું, લાલ મરચાનો પાવડર, હળદર પાવડર, ધાણા પાવડર, ગરમ મસાલો ઉમેરીને 1-2 મિનીટ સુધી પાકવા દો.

- ઝીણુ સમારેલુ ટમેટું ઉમેરો. જ્યા સુધી મિશ્રણ ઘટ્ટ ન થાય ત્યા સુધી પાકવા દો.

- હવે આ મિશ્રણમાં પાણી ઉમેરો જેથી તે ઘટ્ટ ગ્રેવી બને.

- ગ્રેવીને 4-5 મિનીટ સુધી ઉકળવા દો.

- પનીરના ટુકડા ઉમેરીને ફરી 3-4 મિનીટ સુધી ઉકળવા દો.

- તેના પર મલાઈ અને લીલા ધાણાના પાન ગાર્નિશ કરીને સર્વ કરો પનીર કોરમા

Read more »

વેજીટેબલ ટિક્કા મસાલા

સામગ્રી:

દહીં, 250 મિલી
1/2 લીંબુનો રસ
આદુ, 1 ઈંચનો ટુકડો
ડુંગળી, 2, સમારેલી
લસણ, 3 કળી, સમારેલુ
હળદર, 1 1/2 ટીસ્પૂન
તજનો પાવડર, 1 ટીસ્પૂન
લાલ મરચાનો પાવડર, 1 ટીસ્પૂન
લીલા ધાણા 2 ટીસ્પૂન
માખણ અથવા ઘી, 2 ટેબલસ્પૂન
તાજા શાકભાજી (મશરૂમ, વટાણા, ગાજર, ફ્લાવર, બટાટા) 2 કપ
ઈલાયચી, 20 ફળી
લીલા ધાણા, 1/2 કપ
મીઠું અને મરી, સ્વાદ અનુસાર 

રીત:

- દહીં અને આદુ, લસણ અને ડુંગળીને મિક્સ કરીને સ્મૂથ બ્લેન્ડ કરી લો.

- તેમાં લીંબુનો રસ, મરી અને મીઠું મિક્સ કરીને હળવેથી હલાવો.

- ઈલાયચી સિવાયના બાકીના મસાલા પણ ઉમેરીને બરાબર મિક્સ કરો. 

- થોડા લીલા ધાણા ઉમેરીને હળવેથી બ્લેન્ડ કરો. 

- એક મોટા પોટમાં ઘી કે માખણ ગરમ કરો. તેમાં બબલ થવા દો અને ત્યારબાદ બ્લેન્ડ કરેલી સામગ્રી તેમાં ઉમેરો. 

- હવે ઈલાયચીની ફળીને પીસીને પાવડર કરી લો અને પછી તેને આ મિશ્રણમાં ઉમેરો. ઈલાયચીની કર્કશ સુગંધ હોય છે માટે તેને ઉમેરતા પહેલા તેનો પાવડર કરી નાંખો.

- હવે તેમાં 2 કપ સમારેલા શાકભાજી ઉમેરીને હળવેથી મિક્સ કરો.

- બાકીના લીલા ધાણા ઉમેરો. 

- જો સ્લો કુકરમાં બનાવતા હોવ તો ગેસની આંચ ધીમી કરીને 6 કલાક પકાવો. જો પોટમાં બનાવતા હોવ તોધીમી આંચ પર જ્યાં સુધી પરપોટા ન થાય અથવા શાકભાજી પાકી ન જાય ત્યા સુધી પકાવો. 

- રાઈસ અને નાન સાથે ગરમા ગરમ વેજીટેબલ ટિક્કા મસાલા સર્વ કરો.

Read more »

પનીર ભુર્જી

સામગ્રી:

200 ગ્રામ પનીર
1 ટેબલસ્પૂન તેલ
1/4 ટીસ્પૂન જીરુ
2 લીલા મરચાં
1 નાની ડુંગળી
1/4 ટીસ્પૂન હળદર પાવડર
1/2 ટીસ્પૂન ગરમ મસાલો
1 ટીસ્પૂન આદુ-લસણની પેસ્ટ
1 મધ્યમ કદનું ટમેટું
1/2 ટીસ્પૂન મીઠું
લીલા ધાણા ગાર્નિશ કરવા માટે

રીત:

- ડુંગળી, ટમેટું અને મરચાંને ઝીણા ઝીણા સમારી લો.

- હવે એક ઊંડાપેનમાં તેલ ગરમ કરો. તેમાં જીરું, સમારેલી ડુંગળી અને આદુ-લસણની પેસ્ટ ઉમેરો. તે બ્રાઉન રંગની થાય ત્યા સુધી સાંતળો.

- તેમાં મરચાં અને ટમેટા ઉમેરો અને તે પલ્પી અને નરમ થાય ત્યા સુધી પકાવો.

- ત્યાર બાદ હળદર, ગરમ મસાલો, મીઠું અને થોડું પાણી ઉમેરીને બધા મસાલાને ચઢવા દો.

- તેમાં છીણેલું પનીર ઉમેરી 5 મિનીટ સુધી ચઢવા દો જેથી પનીર સાથે મસાલો મિક્સ થઈ જાય.

- લીલા ધાણા સાથે ગાર્નિશ કરીને ગરમા ગરમ પનીર ભુર્જી સર્વ કરો

Read more »

ચીલી પનીર

સામગ્રી:

350 ગ્રામ પનીર
2 ટીસ્પૂન મીઠું
1 ઈંડુ
1/2 કપ કોર્ન ફ્લોર
1 ટીસ્પૂન આદુ-લસણની પેસ્ટ
2 કપ સમારેલી ડુંગળી
2 ટેબલસ્પૂન સ્લાઈસ કરેલા લીલાં મરચાં
1 ટેબલસ્પૂન સોયા સોસ
2 ટેબલસ્પૂન વિનેગર
1/4 ટીસ્પૂન આજીનોમોટો
તેલ તળવા માટે
થોડું પાણી

રીત:

- પનીરના ટુકડા કરી લો.
- એક બાઉલમાં એક ટીસ્પૂન મીઠું, ઈંડુ, કોર્ન ફ્લોર, આદુ-લસણની પેસ્ટ અને પાણી મિક્સ કરીને રાખો.
- એક પેનમાં તેલ ગરમ કરો અને તેમાં પનીરના ટુકડાને મિશ્રણમાં બોળીને તળો. ગોલ્ડન બ્રાઉન થાય ત્યાં સુધી તળો.
- બે ટેબલસ્પૂન તેલને ગરમ કરો અને તેમાં 30 સેકન્ડ સુધી સમારેલી ડુંગળી સાંતળો.
- તેમાં લીલાં મરચાં, મીઠું, સોયા સોસ, વિનેગર, આજીનોમોટો અને તળેલા પનીરના ટુકડા ઉમેરો.
- બરાબર મિક્સ કરો. તેને લીલી ડુંગળી અને લીલા ધાણા સાથે ગાર્નિશ કરી શકો છો

Read more »

વેજીટેબલ નિલગીરી કોરમા

સામગ્રી:

1 ગાજર
1 કેપ્સિકમ
1 બટાટું
1/4 ફ્લાવર
10 ફણસી
1/2 કપ લીલા વટાણા
2 મધ્યમ કદની ડુંગળી
2 ટમેટા
10-12 લીમડાના પાન
1/4 કપ લીલા ધાણા સમારેલા
1 ટેબલસ્પૂન ગરમ મસાલો
મીઠું સ્વાદ અનુસાર
12 ટેબલસ્પૂન સીંગતેલ

પેસ્ટ માટે:

1/2 નારિયેળ
12 કળી લસણ
1 ઈંચ આદુનો ટુકડો
6 લાલ મરચાં
2 ટેબલસ્પૂન સૂકા ધાણા
1 ટીસ્પૂન જીરુ
2 ટેબલસ્પૂન ખસખસ
2 ટેબલસ્પૂન વરિયાળી

રીત:

- બધા શાકભાજીને ધોઈને એકસમાન ટુકડામાં સમારી લો. ડુંગળીની છાલ ઉતારીને સમારી લો. ટમેટાને ધોઈને તેની પ્યૂરી બનાવી લો.

- 2 ટેબલસ્પૂન તેલને એક પેનમાં ગરમ કરો. તેમાં પેસ્ટની સામગ્રી મિક્સ કરીને લાઈટ બ્રાઉન થાય ત્યાં સુધી સાંતળો. હવે આ પેસ્ટને થોડા પાણી સાથે ગ્રાઈન્ડ કરી લો.

- લીલા ધાણાને સમારી લો. બટાટા, ફ્લાવર, ગાજર, ફણસીને મીઠા વાળા પાણીમાં અધકચરા બાફી લો. નિતારીને બાજુ પર મૂકી દો.

- એક પેનમાં તેલ ગરમ કરો અને તેમાં ડુંગળી ઉમેરીને ગોલ્ડન બ્રાઉન થાય ત્યાં સુધી સાંતળો. લીમડાના પાન અને તૈયાર કરેલી મસાલા પેસ્ટને તેમાં ઉમેરો. તેલ છૂટું પડે ત્યાં સુધી પાકવા દો.

- તેમાં શાકભાજી ઉમેરીને સતત હલાવતા રહો. તેમાં ટોમેટો પ્યૂરી ઉમેરીને ઉકળવા દો.

- તેમાં 2 કપ પાણી ઉમેરીને ઉકળવા દો જેથી શાકભાજી બધા પાકી જાય અને ગ્રેવી ઘટ્ટ બની જાય.

- તેના પર ગરમ મસાલો ભભરાવો અને હલાવીને ગરમા ગરમ સર્વ કરો વેજીટેબલ નિલગીરી કોરમા

Read more »