પાલક પનીર

સામગ્રી:

પાલક, 1/2 કિલો
પનીર, 100 ગ્રામ
ડુંગળી, 1
માખણ, 3 ટેબલસ્પૂન
તમાલપત્ર, 2-3
જીરુ, 1 ટીસ્પૂન
મીઠું, સ્વાદ અનુસાર
મરી પાવડર, 1/4 ટીસ્પૂન
આદુ-લસણની પેસ્ટ, 3/4ટીસ્પૂન
લીલા મરચાની પેસ્ટ, 1/2 ટીસ્પૂન
ગરમ મસાલો, 1 ટીસ્પૂન
વેજીટેબલ ઓઈલ, જરૂર પ્રમાણે

રીત:

- આદુ લસી પેસ્ટ, લીલા મરચાની પેસ્ટ અને થોડુ પાણી પાલક સાથે મિક્સ કરો. તેને 7-8 મિનીટ માટે પ્રેશર કુકરમાં બાફો. (લગભગ 1 સીટી)

- પનીરને નાના ટુકડામાં કાપી લો. 3 ટુકડાને ગાર્નિશ કરવા માટે બાજુમાં રહેવા દો.

- એક પેનમાં તેલ ગરમ કરો. તેમાં પનીરના ટુકડાને મધ્યમ આંચ પર તળો.થોડા બ્રાઉન રંગના થાય ત્યા સુધી તળીને બાજુ પર રાખી દો.

- હવે 2 ટેબલસ્પૂન માખણ ગરમ કરો. તેમાં તમાલપત્ર અને જીરુ નાંખો. સમારેલી ડુંગળી ઉમેરીને લાઈટ બ્રાઉન થાય ત્યા સુધી સાંતળો.

- તેમાં મીઠું, મરી પાવડર, ગરમ મસાલો ઉમેરીને બરાબર હલાવો.

- હવે પનીરના ટુકડા અને પાલકને ગ્રાઈન્ડ કરીને તેમાં ઉમેરો અને બરાબર મિક્સ કરો.

- પાલક પનીરને બેકિંગ ટ્રેમાં મૂકો.

- તેમાં વધારાનુ માખણ ઉમેરીને 1/2 કલાક માટે 180 ડીગ્રી સેલ્શિયસ પર બેક કરો.

- પનીરના બાજુ પર રાખેલા ટુકડાને છીણીને પાલક પનીરને ગાર્નિશ કરો.

- ગરમા ગરમ પરાઠા સાથે સર્વ કરો.