બદામી પનીર સંદેશ

સામગ્રી

પનીર - ૧૫૦ ગ્રામ
ખાંડ - ૫૦ ગ્રામ
બદામ અને
પિસ્તાની ચીરી - ૧ ચમચો

રીત

પનીરને હાથથી ખૂબ સારી રીતે મસળી લો. તેનો બરાબર ભૂકો થઇ જાય પછી એક નોનસ્ટિક કડાઇમાં પનીરનો ભૂકો અને ખાંડ મિક્સ કરી શેકો. પનીરનો રંગ બદલાવો ન જોઇએ અને ખાંડ બરાબર ઓગળી જાય તેનું ધ્યાન રાખવું. મિશ્રણ બરાબર ઘટ્ટ થઇ જાય એટલે સૌપ્રથમ તમને ગમતા મોલ્ડમાં બદામ અને પિસ્તાની ચીરી નાખો. તેના પર પનીરનું મિશ્રણ મૂકી હળવા હાથે દબાવો. ત્યાર બાદ મોલ્ડને એક પ્લેટમાં ઊંધા પાડો જેથી બધો મેવો સંદેશની ઉપર આવે. આ બદામી પનીર સંદેશ ઠંડા થાય એટલે મહેમાનોને સર્વ કરો.