શાહી મિક્સ મટર-મલાઇ

સામગ્રી

લીલા વટાણા - અડધો કપ
પનીર - ૩૦૦ ગ્રામ
મખાના - દોઢ કપ
મલાઇ - અડધો કપ
ટમેટાંની પ્યોરિ - અડધો કપ
ડુંગળી - ૨ નંગ
મેંદો - અડધો ચમચો
આદું-લસણ-મરચાંની પેસ્ટ - ૧ ચમચી
મીઠું - સ્વાદ મુજબ
હળદર - પા ચમચી
ધાણા પાઉડર - દોઢ ચમચી
મરચું - પા ચમચી
તેલ - જરૂર પ્રમાણે

રીત

વટાણા બાફી લો. મખાનાને અધકચરા તળી મિક્સરમાં ક્રશ કરી લો. ટમેટાંની પ્યોરિમાં બધો મસાલો અને મીઠું ભેળવો. ડુંગળીને બારીક સમારો અને પનીરના પણ નાના ટુકડા કરો. હવે તેલ ગરમ કરી તેમાં ડુંગળીને બદામી રંગની સાંતળો. આદુંની પેસ્ટ અને મેંદો નાખીને સાંતળો પછી મલાઇ નાખીને ખૂબ હલાવો. જ્યારે મલાઇનું ઘી છુટું પડે ત્યારે તેમાં ક્રશ કરેલા મખાના મિક્સ કરો. તેમાંથી સુગંધ આવે એટલે ટમેટાંની પ્યોરિ ઉમેરી ખદખદવા દો. પનીર નાખી ઉભરા આવે એટલે બાકીના મખાનાથી સજાવી સર્વ કરો