પંજાબી રાજમા મસાલા

સામગ્રી:

રાજમા, 250 ગ્રામ
મીઠું, 1 ટીસ્પૂન
જીરુ, 1 ટીસ્પૂન
પીસેલી ડુંગળી, 3 ટેબલસ્પૂન
આદુ-લસણની પેસ્ટ, 1 ટીસ્પૂન
દહીં, 1 ટેબલસ્પૂન
ટોમેટો પ્યૂરી, 2 ટેબલસ્પૂન
સૂકા ધાણાનો પાવડર, 2 ટીસ્પૂન
મેથીના દાણા, 1 ટીસ્પૂન
હળદર, 1/2 ટીસ્પૂન
લાલ મરચાનો પાવડર, સ્વાદ અનુસાર
વેજીટેબલ ઓઈલ, 1.5 ટેબલસ્પૂન
પાણી, 1 લિટર

રીત:

- પાણીમાં રાજમાં અને મીઠું ઉમેરો. તેને પ્રેશર કુકરમાં લગભગ 20 મિનીટ સુધી બાફો.

- તે દરમિયાન બીજા પેનમાં વેજીટેબલ ઓઈલ ગરમ કરો અને તેમાં જીરુ ઉમેરો.

- હવે તેમાં ડુંગળીની પેસ્ટ ઉમેરો. તે લાઈટ બ્રાઉન થાય ત્યા સુધી સાંતળો.

- તેમાં આદુ-લસણની પેસ્ટ પણ ઉમેરો અને બરાબર હલાવો.

- ત્યાર બાદ તેમાં દહીં ઉમેરો અને તે બ્રાઉન રંગનુ થાય ત્યા સુધી હલાવો. ટોમેટો પ્યૂરી ઉમેરીને હલાવો.

- ધાણાનો પાવડર, મેથી, હળદર પાવડર અને લાલ મરચાનો પાવડર ઉમેરીને તેને પાકવા દો જ્યા સુધી તેમાંથી તેલ છૂટું ન પડે.

- હવે તેમાં બાફેલા રાજમાં ઉમેરો. એક સિટી થાય ત્યા સુધી તેને પાકવા દો અને પછી ગેસ પરથી ઉતારી લો.

- લીલા ધાણા સાથે ગાર્નિશ કરીને રાઈસ સાથે સર્વ કરો.