વેજીટેબલ બિરયાની

સામગ્રી:

બાસમતી રાઈસ, 2 કપ
મિક્સ શાકભાજી (ફૂલગોબી, બટાટા, ગાજર, ફણસી), 1 કપ
લીલા વટાણા, 150 ગ્રામ
3 ડુંગળી, ઝીણી સમારેલી
2 લીલા મરચા, ઝીણા સમારેલા
મીઠું, સ્વાદ અનુસાર
લાલ મરચાનો પાવડર, 1 ટીસ્પૂન
તજ અને શાહજીરુ, 2 ટીસ્પૂન
લવિંગ, 4 નંગ
કાળા મરીનો પાવડર, 1/2 ટીસ્પૂન
ટમેટા, 4
દહીં, 1/2 કપ
વેજીટેબલ તેલ, 4 ટેબલસ્પૂન
રાયના દાણા, 1/2 ટીસ્પૂન
ડ્રાય ફ્રૂટ્સ (કાજૂ-કિસમિસ) 3 ટેબલસ્પૂન

રીત:

- સૌ પહેલા રાઈસ (ચોખા)ને બરાબર ધોઈ લો. પછી 3 1/2 કપ પાણી અને થોડા મીઠા સાથે પ્રેશર કુકરમાં બાફી લો. તેની સાથે 2 ટેબલસ્પૂન કાજૂ-કિસમિસ પણ ઉમેરો.

- બધા જ શાકભાજીને નાના ટુકડામાં સમારો. તે દરેકને અલગ અલગ રીતે તેલમાં તળી લો. લીલા વટાણાને પણ શેકી લો.

- હવે રાયના દાણા, લીલા મરચા, તજ, શાહજીરુ, લવિંગ, મરીનો પાવડર ઉમેરીને 1/2 મિનીટ સુધી સાંતળો અને પછી તેમાં ડુંગળી ઉમેરો. ડુંગળી લાઈટ બ્રાઉન રંગની થાય ત્યા સુધી સાંતળો.

- તેમાં મીઠું અને લાલ મરચાનો પાવડર ઉમેરીને બરાબર પકાવો.

- ઝીણા સમારેલા ટમેટા ઉમેરો.

- હવે તેમાં દહીં ઉમેરીને બરાબર હલાવો. 10 સેકન્ડ સુધી ગરમ કરો.

- ત્યારબાદ તળેલા શાકભાજી ઉમેરો.

- હવે તેમાં બાફેલા રાઈસ ઉમેરો અને બરાબર મિક્સ કરો. તેને હળવા હાથે મિક્સ કરો જેથી ચોખાના દાણા ભાંગી ન જાય. 3 મિનીટ સુધી પકાવો.

- વેજીટેબલ બિરયાનીને સર્વિંગ ડિશમાં કાઢો. તેને ડ્રાયફૂટ્સ અને લીલા ધાણા સાથે ગાર્નિશ કરીને સર્વ કરો